Today Special -චොප්සූයි රයිස් ( Chop-Suey rice)

 චොප්සූයි රයිස් ( Chop-Suey rice)

චොප්සි එක සදා ගැනීමට
අවශ්‍ය ද්‍රව්‍ය

🌺 කටු රහිත මාළු, ඉස්සො, දැල්ලො, චිකන් 50g බැගින්
🌺 කැරට්, බේබිකෝන්, අල, බෝංචි, මල්ගෝවා, ගෝවා, බ්‍රොකලි, හතු යනාදි එලවලු වලින් 50g බැගින්
🌺 වතුර අඬුකෝප්ප 02
🌺 තෙල් මේස හැඳි 02
🌺 ඔයිස්ටර් සෝස්, සෝයි සෝස්, ෆිෂ් සෝස් තේහැඳි 01 බැගින්
චොප් කර ගත් ලොකු ළුෑණු ගෙඩි කාලක් සහ සැල්දරි ස්වල්පයක්
🌺 කෝන්ෆ්ලා මේස හැඳි 02
🌺 ඉඟුරු සුදුළුෑණු පේස්ට් තේහැඳි 01
🌺 රස අනුව ලුණු ගම්මිරිස් කුඩු

සාදන ක්‍රමය

මුලින් ම එලවලු ටික සිහින් ව කපා ගන්න. මස් මාළු ටික සෝදා පසෙකින් තියන්න. දැන් පෑන් එකක් ලිපේ තබා වතුර අඬුකෝප්ප දෙ3ක දමන්න. එය හොඳින් උණු වී ගෙන එද්දි අල, කැරට් දමා විනාඩි දෙකකින් පසුව බේබිකෝන්, මල් ගෝවා, බ්‍රොකලි (මං ගත්තෙ නැහැ) එකතු කරන්න. තත්පර 30කින් බෝංචි එකතු කරන්න. තවත් තත්පර 30කින් ගෝවා එකතු කරන්න. ගෝවා එකතු කිරීමෙන් පසුව එලවලු වල වතුර පෙරා අයිස් වතුරට දාන්න. අයිස් වතුරට දැමීමෙන් රස්නෙට එලවලු තව දුරටත් පිසෙන එක නවතිනවා. එයින් එලවලු වල පැහැය ආරක්ෂා වෙනවා. ගොඩක් අයට චොප්සි සැදීමේදී එලවලු වල පාට ඒ විදියට තියා ගන්න බැරි වෙන එක වලක්වා ගන්න පුළුවන් මේ විදියට කලාම. එතකොට එලවලු අමුත් නැහැ.. ලස්සන පාටත් රැදිලා තියෙනවා..

දැන් බාජනයක් ලිපේ තියලා තෙල් මේස හැදි දෙක දාන්න. එය රත් වන විට ඉඟුරු සුදුළුෑණු පේස්ට් එක දමා බැදෙන විට කපා ගත් ළුෑණු ටික සහ සැල්දරි (සැලරි)
එකතු කරන්න. හොඳ සුවදක් එනවා මේ වෙලාවෙදි.. එතකොට මස් මාළු ටික එකතු කර හොඳින් පිස ගන්න. ඉස්සො ටික රතු පාට වෙනවා. දැල්ලො ටිකත් ලස්සනට මුදු හැඩයට එනවා. මාළු ටිකත් ඒ වෙද්දි තැම්බෙනවා. දැන් සෝයා සෝස් තේහැඳි එකක් සහ ෆිෂ් සෝස් තේහැඳි එකක් එකතු කරන්න.. හොඳින් කලවම් කරන්න. දැන් තම්බා ගත් එලවලු ටික එකතු කර වෙජිටබල් ස්⁣ටොක් (එලවලු තැම්බීමෙන් පසුව පෙරා අයින් කල වතුර ටික) එකතු කරන්න. රස අනුව ලුණු ගම්මිරිස් කුඩු එකතු කරන්න. වතුර අඬුකෝප්ප කාලකට කෝන්ෆ්ලා සහ ඔයිස්ටර් සෝස් එකතු කර චොප්සි එකට එකතු කරන්න. උකු වෙන විට ලිපෙන් බා ගන්න..

මේ චොප්සි එක හරිම සුවදයි,, ඒ වගේම රසයි..

එලවලු එකතු කිරීමේ දි ඔයාලට තියෙන එලවලු ගන්න පුළුවන්.. බේබිකෝන් නැත්නම් කෝන් ඇට වුවද ගන්න පුළුවන්.

ෆ්‍රෙෂ් බේබිකෝන් නැත්නම් ටින් කල ඒවා ගන්න පුළුවන්. එලවලු විවිධ හැඩයට කපා ගැනීමෙන් චොප්සි එක අලංකාර කර ගත හැක.

සාමාන්‍ය විදියට ෆ්‍රයිඩ් රයිස් එකක් සාදා උඩින් මේ චොප්සි එක අතුරා බුල්ස්අයි එකක් තබා පිලිගන්වන්න.

උපුටා ගැනීම අන්තර්ජාලයෙන් 

මුල් නිර්මාණකරුට ප්‍රණාමය 

credit :image dreamstime