ඉන්දියාවේ ඉදලා ලංකාවට පයින් යන්න පාලම හැදුවේ රාමා ද?

                                                    

                                       

ඉන්දියාවේ ඉදලා ලංකාවට පයින් යන්න පාලම හැදුවේ රාමා ද? 

මෙහෙම කිව්වම ඔයාලා බලයි මේ මොකද කියලා...

කලකට ඉහත නාසා ආයතනයට අයත් චන්ද්‍රිකාවක් මගින් අපූරු ඡායාරූප පෙළක් හසුකරගෙන තිබුනා.. 

ඉන්දියානු සාගරයේ ශ්‍රී ලංකාව හා ඉන්දියාව අතර නොගැඹුරු ජලයේ දම්වැලක් මෙන් දිස්වන පාෂාණ පන්තියක් එම ඡායාරූපවලින් ඉතා පැහැදිලිව දර්ශනය වෙලා තියෙනවා..

මෙම ඡායාරූප ඇසුරින් රාම් සේතු පාලම සම්බන්ධයෙන් පර්යේෂණයක නිරත වූ ඇමෙරිකානු භූවිද්‍යාඥයන් හා විද්‍යාඥයන් පිරිසක් මෙම පාලම ස්වාභාවික පිහිටීමක් නොව මිනිසා විසින් ඉදිකරන ලද්දක්ය යන නිගමනයට එළැඹ තිබෙනවා.. 

සමුද්‍ර විද්‍යාඥයන් මෙය වැලිපරයක් ලෙස හඳුන්වන අතර එය සාමාන්‍ය වැලිපරයක් නොවන බව ඔවුන්ගේ මතයයි. 

එම වැලිපරය මතුපිට වෙනත් ප්‍රදේශයක සිට ගෙන එන ලද විශාල පාෂාණ අතුරා පාලමක් ඉදි කර ඇතැයි යන්න ඔවුන්ගේ මතය වී තිබෙනවා.. 

මෙවැනි විශාල පර්වත එම ස්ථානයට රැගෙන එනු ලැබුවේ කෙලෙසකද යන්න අබිරහසක් බව ද ඔවුන් වැඩිදුරටත් සඳහන් කරනවා..

රාම් සේතු පාලම පිහිටා ඇත්තේ ශ්‍රී ලංකාවේ මන්නාරම් දූපතත් ඉන්දියාවේ රාමේෂ්වරමේ පම්බන් දූපතත් අතර මුහුදේයී..

එය සැතපුම් 30ක පමණ දිගින් යුතුයි..

හින්දු පුරා කතාවක් වන රාමායණය අනුව ශ්‍රී ලංකාවේ රාවණා රජු රාම කුමරුගේ බිසව වූ සීතා දේවිය පැහැරගෙන ලංකාවට පැමිණියා.. 

ඇය ගලවා ගැනීම සඳහා ශ්‍රී ලංකාවට යෑමට රාම කුමරු ඔහුගේ වානර සේනාව ලවා ඉන්දියාව හා ශ්‍රී ලංකාව අතර මෙම පාලම ඉදි කළ බව එහි සඳහන්..

ඇමෙරිකානු පුරාවිද්‍යාඥවරියක වන චෙල්සියා රෝස්ට අනුව මෙම වැලිපරය මතුපිට ඇති පාෂාණ වැලිපරයට වඩා පැරැණියී..

මෙම පාෂාණ සම්බන්ධයෙන් සිදු කළ කාලනීර්ණ පර්යේෂණවල දී ඒවා වසර 7000ක් පමණ පැරණි වන බවට හා වැලිපරය වසර 4000ක් පමණ පැරණි වන බවට අනාවරණ වී තිබෙනවා...

වැලිපරය පසුකාලයේ ස්වාභාවික ලෙස නිර්මාණය වන්නට ඇතැයි ද, පාලම වෙනත් ප්‍රදේශයක සිට රැගෙන ආ පාෂාණ යොදා ගනිමින් මිනිසා විසින් ඉදිකරන ලද්දක් බවද ඔවුන්ගේ මතය වී තිබෙනවා..

විද්‍යාඥයන්ගේ නව මතය ප්‍රකාශයට පත්වීමත් සමඟ ඉන්දියාවේ දේශපාලනික සංවාදයක් නිර්මාණය වී තිබෙනවා..

ඉන්දීය භාරතීය ජනතා පක්ෂ නායකයන් සඳහන් කරනුයේ රාම කුමරු පිළිබඳ පුරාවෘත්තය සත්‍යයක් බවට මෙම හෙළිදරව්වෙන් අනාවරණ වන බවයි. 

නමුත් ඉන්දීය ශ්‍රේෂ්ඨාධිකරණයේ නිගමනය වූයේ රාම කුමරු සත්‍ය වශයෙන්ම ජීවත් වූ බවට වන ඓතිහාසික සාධක හමුවී නොමැති බවයි. 

රාම් සේතු පාලම සම්බන්ධයෙන් විවිධ මත පවතී. එක් මතයකට අනුව අයිස් යුගයේදී ඉන්දියාව හා ශ්‍රී ලංකාව සම්බන්ධ වී තිබූ අතර ඉන්දියාවේ කොටසක්ව පැවති ශ්‍රී ලංකාව වසර 125,000කට පමණ පෙර වෙන් වී තිබෙන බවයි..

එසේ වෙන්වීමේදී ශේෂ වූ කොටස් මෙලෙස දිස්වන බව ඔවුන්ගේ මතය වී තිබේ. 

රාම් සේතු පාලම යැයි හඳුන්වන ප්‍රදේශයේ මුහුද ඇතැම් ස්ථානවල අඩි 30ක් පමණ ගැඹුරු වන අතර ඇතැම් ස්ථානවල ගැඹුර අඩි 3ක් පමණ වේ යැයි නිව්ස් 18 නමැති නාලිකාව සඳහන් කරයි. ඇතැම් ස්ථානයක ඇති වැලිපර වියළිය. 

15 වැනි සියවස තෙක් මෙම වැලිපරය මුහුදු මට්ටමට වඩා ඉහළින් පැවැති අතර ඒ මතින් පා ගමනින් යා හැකිව තිබූ බවට සාධක ඇතැයි විද්‍යාඥයෝ පවසති. 

ක්‍රි. ව. 1480 ඇති වූ කුණාටුවකින් වැලිපරය විනාශ වී තිබෙනවා...

මෙම පාලම පිළිබඳව ඓතිහාසික තොරතුරක් ප්‍රථමයෙන්ම හමුවන්නේ වාල්මිකීගේ රාමායණයෙන්...

එහි එය හැඳින්වෙන්නේ ‘රාමා සේතු’ නොහොත් ‘රාමාගේ පාලම’ යන නමිනි. 

රාමායණයේ 2-22-76 වැනි පද්‍යය අනුව රාම එය ‘සේතුබන්ධනම්’ ලෙස නම් කර තිබේ. මෙම ප්‍රදේශය වර්තමානයේ හැඳින්වෙන්නේ ‘සේතු සමුද්‍රම්’ නමිනි. 

එහි අරුත ‘පාලමක් සහිත මුහුදු ප්‍රදේශය යන්නයි. දැනට ඉන්දියාවේ තන්ජවූර් සරස්වතී මහල් පුස්තකාලයේ ඇති ක්‍රි. ව. 1747 සකස් කරන ලද ඕලන්ද සිතියමකට අනුව මෙම ප්‍රදේශය  ‘රාමන්කොයිල්’ යනුවෙන් හඳුන්වා තිබෙනවා.. 

තවත් සිතියමක දැක්වෙන්නේ ‘රාමාගේ දෙවොල පිහිටි ප්‍රදේශය යනුවෙනි. 

රාම වෙනුවෙන් දෙවොලක් ඇත්තේ  රාමේස්වරම්හිය. 

මාර්කෝ පෝලෝගේ සිතියම්වල මෙම ප්‍රදේශය නම් කර ඇත්තේ ‘සේතුබන්ධ’ සහ ‘සේතුබන්ධ රාමේස්වරම්’ යනුවෙනි.   

ඉබන් කොර්දාබේ විසින් 9 වැනි සියවසේ රචිත ‘බුක් ඔෆ් රෝඩ්ස් ඇන්ඩ් කින්ඩම්ස්’ හි එය ‘මුහුදේ ඇති පාලම’ ලෙස හඳුන්වා තිබෙනවා.. 

1804 බ්‍රිතාන්‍යයන් විසින් නිර්මාණය කරන ලද සිතියමක මෙය නම් කර ඇත්තේ ආදම්ගේ පාලම ලෙසිනි.

පුරාණ ඉස්ලාමික ග්‍රන්ථ වල ශ්‍රී ලංකාව හැඳින්වෙන්නේ ‘ආදම්ගේ කන්ද’ ලෙසිනි. ආදම් පොළොවට පතිත වී ශ්‍රී ලංකාවේ සිට ඉන්දියාව බලා මෙම ස්ථානය ඔස්සේ ගමන් කළ බවට සඳහන් වන හෙයින් රාමාගේ පාලම ‘ආදම්ගේ පාලම’ ලෙසින් ද හැඳින් වෙනවා...

විද්‍යාඥයන්ගේ නව මතය සත්‍යයක් නම් මහා සයුර මතින් පාලමක් ඉදිකිරීමට තරම් ඉතා දියුණු තාක්ෂණයක් වසර දහස් ගණනට ඉහත ලොව පැවති බවට එය කදිම සාක්ෂියක් වන අතර

 රාම පුරාවෘත්තය ද සත්‍යයක් වීමටත් ඉඩ තියෙනවා..

හැබැයි ඉතින් මේ කරුණු කොතෙක් දුරට අපිට නිශ්චය කරන්න පුලුවන් ද කියන

එක ගැටලුවක් වුනාට මේ පින්තූර නම් සත්‍යක්…ප්‍රියන්ජන් සුරේෂ් ද සිල්වා ගේ ලිපිය ඇසුරින් උපුටා ගත්තකී..

පින්තූර මුල්හිමිකරු සතුයි 

උපුටාගැනීම අන්තර්ජාලයෙන් https://t.me/Turning_point21