පාකිස්තානයේදී ඝාතනය වූ ප්‍රියන්ත ගේ අවසන් කටයුතු හෙට
පාකිස්තානයේ සියල්කොට් නගරයේ ඝාතනය ලක් වූ ප්‍රියන්ත කුමාර මහතාගේ දේහය පිළිබඳ අවසන් කටයුතු හෙට (08) දිනයේ සිදු කිරීමට නියමිතව තිබේ.
ඔහුගේ පවුලේ ඥාතීන් සඳහන් කළේ අද (07) දිනයේ දේහය ගනේමුල්ල ප්‍රදේශයේ පිහිටි ඔහුගේ නිවසේ තැන්පත් කර තබන බවය.
සියල්කොට්හි කර්මාන්ත ශාලාවක සාමාන්‍යාධීකාරීවරයෙකු ලෙස කටයුතු කළ ප්‍රියන්ත කුමාර මහතා පසුගියදා වද හිංසනයට ලක්කර ඝාතනය කර තිබුණි.
ඒ මහතාගේ දේහයේ අවශේෂ ඊයේ (06) පස්වරුවේ ශ්‍රීලංකන් ගුවන් සේවයට අයත් යානයකින් දිවයිනට රැගෙන ආ අතර පශ්චාත් මරණ පරීක්ෂණය සඳහා මීගමුව රෝහලට යොමුකරනු ලැබීය.
අදාළ ඝාතනය සම්බන්ධයෙන් මේ වන විටත් සැකකරුවන් අත්අඩංගුවට ගෙන අධිකරණයට ඉදිරිපත් කිරීමට පාකිස්තාන ආරක්ෂක අංශ කටයුතු කර තිබේ.
No comments